सन्देश दहित
खर्गौली कैलाली
पैल्ह पैल्ह हमार बाबा बाज्य हुक्र डस्या डेवारिम डिँउटा पुज बेर डिउह्रार कोन्टिमसे लैके ड्वारिक आघ माटिक डियम ट्याल डार्क बाटी बार्क आपन आपन रिट अन्सार भेर्वा मुर्गी चिङ्ग्निनके रकट ओ छाँकी चर्हाईँ। छाँकि नै रलसे ल्वाङ्ग पानी बनाक फेन चर्हाईँ
जब बाबा बाज्यनक पाछ पुजैया करुइया मै बन्नु, भेँर्वा मुर्गि चिङ्ग्निनके रकट छोर्क बजर्हा सिन्नी पँचमेर मेर मेरिक मिठाई चार्हाई लग्नु। बोट्लक छाँकिक बड्लम साडा पानी ओ गैयक डुढ चर्हाइ लग्नु।
कुछ डिन रै के यकलाग कप्पार बठैना, प्याट किचोरे अस बठैना हुइल ढिर ढिरे कम्जोर हुइटी गैनु शरीर सक्कु निम्झाई लागल। भाट पानी फेन खैना निलाग।
बल टलके आछट पाटी केसौका कर्ल फुफा ट डिँउटा डाहल बटैल। "पैल्ह संसारीम पुज्ल आपन डेउ डुर्गन आब बल्जब्री भक्टी बनैबे ट कहु मनही अरे पैल्हक लहाइल घट्वा खाइल बानी" कहु छुटहिन
डिँउटा कलक पुर्खा जो हुइटै"। अट्रा कहटि यक हाँठम पैँयक लट्ठी ओ यक हाठ हिलैटी आपन डगर नम्ल केसौका फुफा
0 Comments