जोहैल से फे ढ्यार लग्ना आनक सम्पटि हड् लागट ।
ओ बिह्रम मुठो करल डेख्क आनक प्रगटि हड् लागट ।।
उ टुँंहिन मुवल समझ्क "डीन" कर्क गैराखल जे डाडु,
मने, घ्याँचा काट्क गैलम अब्भिन सम्झटि हड् लागट ।
जिहि हाँठ पकर्क उठाई बेर पठ्रा म उसिट्क गिर पर्नु,
ओह मनैया भल्लाही खइटी, भल्ल हो कटि हड् लागट ।
घरक पिखाँही टिरसे उझुक्का लगैल ह्यार अउइया हँ,
एक अँख्रा का गोहरैनु ट चल डेलि डगुरटि हड् लागल ।
डुनु जहिनके सहमटिम डेँह छुइक छुवा खेल ख्यालबेर,
पोल खुल्लसे जन्निनके किल हुइना बेइज्जटि हड् लागट ।
0 Comments