रुइठी छाई

डाइक पाइक पर्ना मैयाँ मम्टा समझ्क रुइठी छाई

राटिम निन्डाइल बेलम करोट बडल्क रुइठी छाई

यडि जैना रह कलसे सब आपन याड मेटाक जैटो

याड कर्टी टुहिन पल२ महिन समोढ्क रुइठी छाई

सम्झैना सम्म सम्झैठु पल्का भर-भर आँस लेहले

जब बिन्हे हुइठ नाक मुह छम्टी उठ्क रुइठी छाई

मै रुइम ट बाबा हन डुख लगहिन कैख हुइ सायड

आँस पोस्टी घरक पँञ्ज्रह जाक नुक्क रुइठी छाई

छाईक मैयाँ निलागल किका टुहिनहे यक्को फ्यारा

टुहार डेहल चुरिया, गुरिया, चप्पल टूर्क रुइठी छाई

सन्देश दहित