कसिक सेकम

भगवानसे रोके माँगल रहु टुहिन रुवाइ कसिक सेकम

मुटुक कुन्वम ढारल मनैके आँस चुहाइ कसिक सेकम

आपन खुसी लुटाक हरेक इच्छा चाहना पूरा कर्टि रनु

टुहार डुख हे आपन मन्नु ट चिट्ट डुखाइ कसिक सेकम

पहिल चो करल बाट महिन आभुन सम याड बा कलसे

डस बर्स सम्म सङ्ग बिटाइल पल भुलाइ कसिक सेकम

डिन डिने छाइ जन्न बुझ्न हुइटि जाइटि बर्स मैन्हा कर्टि

हम्रन छोर्क औरक हुइल छाइ से लुकाइ कसिक सेकम

टुहार ओ म्वार सम्बन्ढ टुट्लक बारेम जब पुछ लगहि

सुरुसे लास्ट सम्मके बाट छाइ हे बुझाइ कसिक सेकम

सन्देश दहित